अब बिहान ९ बजेसम्म मात्रै तरकारी किन्न पाइने

७ भदौ, काठमाडौं । संक्रमितको संख्या बढेपछि काठमाडौं उपत्यकामा खाद्यान्न तथा तरकारी किनबेचमा कडाई गरिएको छ । उपत्यकाका तीन प्रमुख जिल्ला अधिकारीको संयक्त बैठकले अब बिहान ९ बजेसम्म मात्रै तरकारी किन्न पाइने निर्णय गरेको हो ।

काठमाडौंका प्रमुख जिल्ला अधिकारी जनकराज दाहालका अनुसार अत्यावश्यक वस्तु मध्ये खाद्यान्न, फलफूल, तरकारी, माछामासु लगायत विक्री वितरण गर्ने पसल बिहान मात्र खोल्न दिने निर्णय भएको हो ।

औषधि, पानी र स्वास्थ्य सामग्री विक्री वितरण गर्ने पसल भने जुनसुकै समयमा निर्वाद रुपमा चलाउन सकिनेछ । यसअघि हिजो नै यसबारेको प्रस्ताव बारिएपनि उपत्यकाका तीन जिल्लाका प्रमुखको निर्णय भने आज मात्रै भएको हो ।