दक्षिण एसियाको सानो मुलुकमा कोभिड १९ भयावह बन्दै

८ भदौ, काठमाडौं । दक्षिण एसियाको सानो मुलुक मालदिभ्समा पनि कोभिड १९ का सङ्क्रमितहरुको संख्या भयावह बन्दै गएको छ । दिनप्रतिदिन सङ्क्रमितहरु बढ्दै गएको समाचारमाध्यमले बताएका छन् ।

मालदिभ्सको राजधानी मालेबाट प्राप्त समाचार अनुसार सङ्क्रमितहरुको संख्या छ हजार नाघेको छ । कोरोना भाइरस सङ्क्रमणबाट मृत्यु हुने व्यक्तिको संख्या २६ पुगेको स्थानीय मिडियाहरुले जनाएका छन् । मालदिभ्सको स्वास्थ्य सुरक्षा निकायका अनुसार त्यहाँ संक्रमण हुने व्यक्तिको संख्या ६ हजार ७७९ पुगेको छ ।

त्यहाँका संक्रमितमध्ये ४ हजार २२२ जना सङ्क्रमितहरु निको भएर घर फर्किएका छन् । अहिले पनि २ हजार ५३२ जना भने सङ्क्रमित नै रहेका र उपचार गराइरहेका छन् । अधिकारीहरुले त्यहाँ बाहिरबाट आएका व्यक्तिहरुबाट कारोना भाइरसको सङ्क्रमण बढ्दै गएको पाइएको पनि बताएका छन् । एजेन्सी