महन्त हत्याका दोषीलाई कारबाहीको माग गर्दै प्रधानमन्त्रीलाई ज्ञापनपत्र

◊ धीरुभाइ

८ भदौ सप्तरी । विश्व हिन्दु परिषद नेपाल सप्तरीले महन्त हत्या घटनाको अबिलम्ब छानविन गरी दोषीलाई कडा कारबाहीको माग गर्दै सोमबार जिल्ला प्रशासन कार्यालय सप्तरीमार्फत प्रधानमन्त्रीलाई ज्ञापनपत्र बुझाइएको छ ।

गत ३ गते रौतहट जिल्लाको माधव नारायण नगरपालिका वडा नम्बर २ खेसरहिया बजार स्थित हनुमान मन्दिरका महन्त श्रीराम दासलाई अज्ञात समुहले राती ९ बजेको समयमा खाना खाँदै गरेको अवस्थामा गोली हानी हत्या गरिएको थियो ।

उक्त घटनालाई अबिलम्ब छानबिन गरि हदै सम्मको कारबाही गर्न र सन्तलाई सहिद घोषणा गर्न समेत माग गरेको छ । विश्व हिन्दु परिषद नेपाल सप्तरीका अध्यक्ष राम किशुन साहले सो ज्ञापन पत्र पठाएका हुन ।