नेकपाको सचिवालय बैठक शनिबार बस्दै

९ भदौ, काठमाडौं । आन्तरिक विवाद समाधानका विषयमा सत्तारुढ नेपाल कम्युनिस्ट पार्टी नेकपाको सचिवालय बैठक शनिबार बस्ने भएको छ । मंगलबार बालुवाटारमा प्रधानमन्त्री तथा अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीचको छलफलले शनिबार सचिवालय बैठक बोलाउने निर्णय गरेको हो ।

विवाद समाधानका लागि गठित कार्यदलको बुझाएको प्रतिवेदनमाथि शनिबारको बैठकमा छलफल हुनेछ । कार्यदलले प्रतिनिधिसभाको बाँकी कार्यकालभर ओली नै प्रधानमन्त्री रहने र पार्टी सञ्चालन अर्का अध्यक्ष प्रचण्डले गर्ने गरी शनिबार आफ्नो प्रतिवेदन बुझाएको थियो ।

पार्टीका दोस्रो तहका नेताहरुलाई मन्त्रिको आश्वासन दिएर नेकपाको आन्तरिक विवाद समाधान गर्न लागिएको छ ।