चौबिस घण्टामा थपिए ८८५ जना संक्रमित

१० भदौ, काठमाडौं । नेपालमा पछिल्लो चौबिस घण्टामा ८८५ जना संक्रमित थपिएका छन् । स्वास्थ्य तथा जनसंख्या मन्त्रालयका अनुसार १३ हजार २ सय ५३ जनाको परीक्षण गर्दा ८८५ जनामा संक्रमण देखिएको हो । बुधबारसम्म नेपालमा कोरोना संक्रमितको संख्या ३४ हजार ४१८ पुगेको छ ।

यस्तै बुधबार मात्रै ३ सय ८५ जनाले कोरोना जितेर घर फर्किएका छन् । यससँगै कोरोना जितेर घर फर्किनेको संख्या १९ हजार ५०४ पुगेको छ । हालसम्म होम आइसोलेसनमा ६ हजार २८ जना र संस्थागत आइसोलेसनमा ८ हजार ७११ जना रहेका छन् । यस्तै पछिल्लो चौबिस घण्टामा मात्रै ११ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।