शर्त मानेर विदेश जानुभन्दा नजानु बेश !

१० भदौ, काठमाडौं । सरकारले कोरोनापछि हवाई यात्रा गर्दा शर्तैशर्त राखेको छ । सरकारले नियमित र चार्टर्ड उडान १ सेप्टेम्बरबाट शुरु गर्ने तयारी गरेको छ । दुबै प्रकारका अन्तर्राष्ट्रिय उडानको तालिका तय गरेको वायुसेवा कम्पनीले उडान शुरु गर्न शर्तैशर्त राखेको छ । संस्कृति, पर्यटन तथा नागरिक उड्डयन मन्त्रालयले नेपाल नागरिक उड्डयन प्राधिकरणलाई बुझाएको उडान तालिका अनुसार उद्धार भएर नेपाल आउने र विदेश जाने यात्रुलाई शर्तैशर्त राखेको हो ।

अब यात्रुले शर्त पालना गर्दा झन्झट उत्तिकै छ भने विदेश जाँदा फेरि संक्रमणको जोखिम पनि बढ्दो छ । सरकारले हवाई उडान भर्ने कम्पनी तथा यात्रुसँग पीसीआर रिर्पोट नेगेटिभ अनिवार्य, सबै यात्रु पीसीआर नेगेटिभ भए घर जान पाइने, अनलाइन फारम अनिवार्य भर्नुपर्ने जस्ता शर्त राखेको छ ।

यस्तै पीसीआर भएको र नभएको यात्रु एउटैमा ल्याउन नपाइने, नियमितमा परीक्षण नगरेका यात्रु ल्याए कारवाही, नेपाली बाहेक विदेशीको हकमा परिचयपत्र अनिवार्य हुनुपर्ने, भिसाको जिम्मा विभागलाई दिने जस्ता शर्त पनि अगाडी सारिएको छ ।

यस्तै पहिलोपटक विदेशबाट आउनेलाई नियुक्ति पत्रबाट छूट, स्वास्थ्यको मापदण्ड अनिवार्य जस्ता शर्त राखिएको छ । यसले कोरोना महामारी सुरक्षा सतर्कता बढाएको छ भने कोरोना फैलिन नदिने सरकारको विश्वास छ । तर यति धेरै शर्त मानेर, कतिपय पालना गर्न नसकिने अवस्थामा विदेश गएर संक्रमणमा पर्नुभन्दा विदेशै नजानु बेश भन्ने धारणा नागरिकको आउन सक्छ ।