प्रअ यादवको चौथो पुण्यतिथिमा श्रद्धाञ्जली अर्पण

◊ धीरुभाइ

१० भदौ सप्तरी । सप्तरीको विष्णुपुर गाउँपालिका कार्यालयले बुधबार शिक्षा शाखा संयोजक सूर्यनारायण यादवको चौथो पुण्यतिथिमा श्रद्धाञ्जली अर्पण कार्यक्रम गरेको छ ।

सो गाउँपालिकाको खुरहुरिया स्थित जनता माध्यमिक विद्यालयको प्रधानाध्यापक समेत रहेका शिक्षा शाखा संयोजक यादवको चार दिन अघि (७ गते आइतबार) हृद्यघातका कारण ५५ वर्षको उमेरमा निधन भएको थियो । जिल्लाको रुपनी गाउँपालिका ४ छपकी निवासी यादव नेपाली कांग्रेसका भातृसंगठन नेपाल शिक्षक संघका आजिवन सदस्य समेत थिए ।

गाउँपालिका अध्यक्ष लिलाम्बर यादवको अध्यक्षतामा आयोजित श्रद्धाञ्जली कार्यक्रममा गाउँपालिकाका प्रमुख प्रशासकीय अधिकृत रणजीतजंग अधिकारी अधिकृत शुभाषकुमार मण्डल, वर्डा अध्यक्षहरु, सदस्यहरुसहित कर्मचारी, विभिन्न विद्यालयका प्रधानाध्यापक, शिक्षक, शिक्षिकाले श्रद्धाञ्जली दिदै उनको निधनले शिक्षा क्षेत्रमा अपूरणीय क्षति भएको बताए ।