सप्तरीका थप तीन बिरामीलाई कोरोना संक्रमण

◊ धीरुभाइ

१० भदौ सप्तरी । सप्तरीका थप तीन जना बिरामी पुरुषमा कोरोना भाइरस संक्रमण पाइएको छ । जिल्ला बाहिर एक अस्पतालमा उपचाररत ती बिरामीहरुमा कोरोना पाइएको हो । यससँगै जिल्लाको संक्रमितको संख्या ७३७ पुगेको स्वास्थ्य कार्यालय सप्तरीले जनाएको छ ।

सुनसरीको धरान स्थित वीपी कोइराला स्वास्थ्य विज्ञान प्रतिष्ठान घोपामा उपचाररत जिल्लाको हनुमाननगर कंकालीनी नगरपालिका वार्ड नम्बर ५ का ३१ वर्षीय पुरुष, सुरुङ्गा नगरपालिका वार्ड नम्बर १ का ६० वर्षका पुरुष र राजविराज नगरपालिका वार्ड नम्बर ५ का ५५ वर्षीय पुरुष विरामीमा कोरोना संक्रमण पाइएको स्वास्थ्य कार्यालयका बरिष्ठ मलेरिया इन्सपेक्टर नारायणप्रसाद राउत बरैले जानकारी दिए ।

गत ७ गते नै उनीहरुको वीपीमा गरिएको स्वाब परीक्षणको रिपोर्टमा पोजेटिभ आएको उनले बताए । सुरुङ्गाका सर्जरी वार्ड र राजविराजका मेडिसिन वार्डमा उपचाररत रहेको बताए । अर्को एक जनाको भर्ना भएको वार्ड रिपोर्टमा नखुलेको छैन । यससँगै सप्तरीको धरानमा उपचाररत संक्रमति विरामीको संख्या पाँच पुगेको छ ।

जिल्लामा ५४१ जना डिस्चार्ज

कूल संक्रमितमध्ये हालसम्म ५४१ जना निको छन । राजविराज स्थित सञ्चालित कोभिड अस्पतालको आइसोलेसन केन्द्र र तिलाठी कोइलाडी गाउँपालिकाको आइसोलेसन केन्द्रमा १३ जना सहित १९१ जना उपचाररत रहेको स्वास्थ्य कार्यालयका निमित प्रमुख दुनियालाल यादवले बताए ।

अस्पतालका ११ स्वास्थ्यकमी संक्रमित

हालसम्म राजविराज स्थित गजेन्द्र नारायण सिंह अस्पतालमा कार्यरत ११ जना स्वास्थ्यकर्मीहरु पनि कोरोना भाइरस संक्रमणको चपेटमा परेको छ । अस्पतालका कन्स्लटेन्ट एक, पारामेडिक आठ, नर्स एक, स्वीपर एक गरी ११ जनामा हालसम्म कोरोना संक्रमण भएको सो अस्पतालका निमित मेडिकल सुपरिटेन्डेन्ट डा. रणजीतकुमार झाले जानकारी दिए ।

संक्रमित स्वास्थ्यकर्मीहरुमध्ये सात जना निको भइसकेका छन भने चार जनाको अझै आइसोलेनमा उपचाररत रहेको उनले भने अस्पतालको इमरजेन्सी वार्डमा पाँच दिनमा पाँच जना विरामी संक्रमित भेटियो । स्वास्थ्यकर्मीहरु पनि संक्रमित भयो तर, एक दिनपनि सेवा अवरुद्ध नगरी अस्पताल सञ्चालनमा राखे ।