कोरोना नियन्त्रण गर्ने सरकारको तत्कालिन र दीर्घकालिन योजना खोई ?

१० भदौ, काठमाडौं । नेपाली कांग्रेसले कोरोनाको अवस्था भयावह हुन थालेको भन्दै महामारी नियन्त्रणका लागि सरकारको ठोस कार्ययोजना माग गरेको छ । प्रमुख प्रतिपक्षी दल कांग्रेसले निषेधाज्ञा जारी भएपनि महामारी नियन्त्रणका लागि कुनै कार्ययोजना नभएको भन्दै तत्काल तत्कालिन र दीर्घकालिन कार्ययोजना सार्वजनिक गर्न माग गरेको हो ।

कांग्रेसको कोरोना अनुगमन समितिका संयोजक डा. प्रकाशशरण महतले महामारी नियन्त्रणका लागि सरकारसँग भएको योजना सार्वजनिक गर्न माग गरेका हुन् । चार महिना लामो लकडाउनका कारण आर्थिक र सामाजिक जनजीवन कष्टकर बनेको भन्दै कांग्रेसले फेरि लामो समय निषेधाज्ञा गर्न नहुने बताएको छ ।