अभियुक्तबाट महाराजगञ्जका २२ प्रहरीमा संक्रमण पुष्टि

१० भदौ, काठमाडौं । हत्या आरोपमा पक्राउ परेका अभियुक्तबाट महानगरीय प्रहरी वृत्त, महाराजगञ्जका प्रहरीमा कोरोना संक्रमण पुष्टि भएको छ । वृत्तमा कार्यरत २२ जना प्रहरी अधिकारीमा कोरोना संक्रमण पुष्टि भएको हो ।

मनमैजु हत्या प्रकरणका आरोपितलाई कोरोना भाइरसको संक्रमण देखिएपछि कन्ट्याक्ट ट्रेसिङका आधारमा प्रहरी अधिकारीहरुको स्वाब संकलन गरेर परीक्षण गर्दा २२ जनामा संक्रमण पुष्टि भएको हो ।

घटनाको अनुसन्धानमा खटिएका महानगरीय अपराध महाशाखाका अधिकारीहरुको पनि स्वाब संकलन गरिए पनि सबैको रिपोर्ट नेगेटिभ आएको छ । संक्रमित सबैलाई प्रहरी अस्पतालमा राखिएको छ ।