कोरोना लागेर मृत्यु भएका बाबुको शव ७२ घण्टादेखि अस्पतालमा, छोरा सम्पर्कविहिन !

१२ भदौ, विराटनगर । मोरङको न्युरो अस्पतालमा मृत्यु भएका संक्रमितको शव ७२ घण्टादेखि अस्पतालमै छ । उनका आफन्त सम्पर्कविहिन भएपछि उनको शव अस्पतालमै रहेको हो ।

मंगलबार राति विराटनगरको न्यूरो अस्पतालमा मृत्यु भएका महोत्तरीका ६१ वर्षका पुरुषको शव अस्पतालमै राखिएको हो ।अस्पतालका अनुसार मृतकको कुरुवाको रुपमा छोरा अस्पताल आएका थिए । तर मृत्युपछि छोरा पनि सम्पर्कविहीन भएका छन् ।

बुधबारदेखि शव व्यवस्थापनमा पहल गरे पनि परिवारका सदस्य सम्पर्कविहीन भएकाले कठिन भएको उनको भनाइ छ । कोरोना संक्रमणका कारण मृत्यु हुनेको शव व्यवस्थापन स्थानीय प्रशासनले गर्दै आएको छ ।