नेकपाको चरम राजनीतिबिरुद्ध नगर प्रमुख गिरिको गम्भीर ध्यानाकर्षण, कार्यालय प्रमुख गैह्रेलाई नेकपाको टर्चर

♦ दिवस भण्डारी

१२ भदौ, स्याङ्जा । चापाकोटमा रहेको किसान प्राविधिक तथा व्यवसायिक शिक्षालयमा ने क पा निकट व्यवस्थापन समिति र कर्मचारीको मिलेमतोमा चरम राजनीति गरिएको पुष्टि भएको छ ।

तीनवटा संकाय डिप्लोमा कृषि विज्ञान, पशु विज्ञान र इन्जिनियरिङ पढाइ भैरहेको किसान प्राविधिक तथा व्यवसायिक शिक्षालयमा नयाँ प्रमुखको रुपमा मणिप्रसाद गैह्रे हाजिर भएपछि नेकपासम्बद्ध स्थानीय कार्यकर्तालाई १०४ डिग्रीको ज्वरो आएको हो ।

गैह्रेलाई चापाकोट नगरपालिका नगरप्रमुख शिवकुमार गिरि लगायत स्थानीयबासीले हर्ष उल्लासका साथ स्वागत गरेका थिए । स्वागतका क्रममा प्राविधिक शिक्षालय प्रमुखले सबै राजनीतिक दल, स्थानीय सरकार र स्थानीयबासीसँग हातेमालो गर्दै किसान प्राबिधिक शिक्षालयलाई देशकै नमुना प्राविधिक शिक्षालयको रुपमा परिणत गर्ने प्रण गरेका छन् । गैह्रे हाजिर भएको दुई दिन नबित्दै केही राजनीतिक दलका नेताहरुले उनलाई अनावश्यक टर्चर दिन थालेको प्रमुख गैह्रेले स्थानीय बासी समक्ष गुनासो गरेका छन ।

आज चापाकोट नगरका नगरप्रमुख शिवकुमार गिरिसँग आफ्नै कार्यकक्षमा भेटघाट गर्दै यी र यस्ता दवावमुलक अभिव्यक्तिको सामना गरेर अगाडी बढ्ने शिक्षालय प्रमुख गैह्रेले बताए । चापाकोट नगरपालिका नगरप्रमुख गिरिले भने चपाकोटमा ने क पा निकट साथीहरूले गैरराजनीतिक थलोमा पनि राजनीति गर्न खोजेकोले यी र यस्ता गतिविधि विरुद्ध आफू चुप लागेर नबस्ने कुरा नेपालबहससँग व्यक्त गरेका छन । किसान प्राविधिक तथा व्यावसायिक शिक्षालय कसैको निजी सम्पत्ति नभएको र यहाँ कुनै पनि राजनीतिक दलले राजनीति गर्ने अड्डा नबनाउन पनि अनुरोध गरेका छन् ।

भोलिका देशका कर्णधार उत्पादन गर्ने जिम्मेवारी किसान प्राविधिक शिक्षालयको रहेको र शिक्षालय प्रमुखलाई अनावश्यक कुरा गर्दै टर्चर दिइनु चापाकोटबासीलाई मान्य नहुने मेयर गिरिले बताएका हुन् । बिगतमा किसान प्राविधिक शिक्षालय ने क पा सम्बद्ध तथा अन्य राजनीतिक दलको समेत निजी पेवा नसम्झिन अनुरोध गर्दै यी र यस्ता अराजक राजनीति गर्ने विरुद्ध नगरप्रमुखको हैसियतले ठोस कदम चाल्नु परेमा आफु कत्तिपनि विचलित नहुने बताएका छन् ।

आज नगरप्रमुख गिरिले शिक्षालय प्रमुख गैह्रेसँग भेटघाट गर्दै प्राबिधिक शिक्षालयलाई नयाँ उचाइमा पुर्यायर देशकै नमुना शिक्षालय बनाउन यी यस्ता गतिविधि विरुद्ध डटेर सामना गर्नु पर्नेमा जोड दिएका छन् । किसान प्राबिधिक शिक्षालय जस्तो गैरराजनीतिक थलोमा ने क पा आबद्ध कर्मचारी र नेताले शिक्षालय प्रमुखलाई दिइएको टर्चर निन्दनीय भएको भन्दै स्थानीयबासी भने आक्रोशित बनेका हुन।

आगामी दिनमा शिक्षालयलाई राजनीति गर्ने थलो बनाइएमा आफु चुप लागेर नबस्ने र त्यसकाे लागि आन्दोलन गर्न परे पनि पछि नहट्ने स्थानीयबासीको भनाई रहेको छ।