कैलालीमा जारी निषेधाज्ञा ५ दिन लम्बियो

१३ भदौ, धनगढी। कैलालीमा जारी निषेधाज्ञा थप ५ दिन लम्बाउने निर्णय गरिएको छ । आइतबार राति सकिन लागेको निषेधाज्ञालाई १९ गते रातिसम्म लम्बाउने निर्णय गरिएको प्रमुख जिल्ला अधिकारी यज्ञराज बोहराले जानकारी दिए ।

‘कोरोना संक्रमणको अवस्था बढ्न थालेपछि यस्तो निर्णय गरेकाे प्रजिअ बोहराले बताए । निषेधाज्ञाका नियमहरू यथावत् छन् । शुक्रवार बसेको सुरक्षा समितिको बैठकले पनि भदौ ४ गतेदेखि जारी निषेधाज्ञा १९ गतेसम्म लम्ब्याउन सिफारिस गरेको थियो ।