पीडक सम्मानित र पीडित न्यायविहिन नहोस् : केसी

१४ भदौ, काठमाडौं । नेपाली कांग्रेसका नेता तथा पूर्वमन्त्री अर्जुननरसिंह केसीले बेपत्ताहरुको न्यायका लागि आवाज बुलन्द पार्नुपर्ने बताएका छन् ।

बेपत्ताविरुद्धको दिवसका अवसरमा आइतबार ट्वीट गर्दै नेता केसीले संक्रमणकालिन न्याय, सर्वोच्चको आदेश र मानवअधिकारको मापदण्ड निस्तेज र निष्क्रिय भएकाले बेपत्ताहरुले न्याय नपाएको नेता केसीले बताएका हुन् ।

१० बर्षे सशस्त्र द्वन्द्वका क्रममा १७ हजार नेपालीको मृत्यु भएको थियो भने ९ हजार अंगभंग तथा १५ सय अझै बेपत्ता छन् । बेपत्ता र मृत्तकका पीडितले अझै पनि न्याय पाउन सकेका छैनन् ।

तत्कालिन विद्रोही नेकपा माओवादीका नेताहरु अहिले सत्तामा पुगेपनि पीडितप्रति असहिष्णु हुन थालेका छन् ।