इ कमर्श बन्द गर्नु खेदजनक : नेविसंघ

१४ भदौ, काठमाडौ । नेपाल विद्यार्थी संघले अनलाईनमा माध्यमबाट अर्डर लिएर सेवा दिने इ कमर्शलाई सरकारले बन्द गरेकोमा आपत्ति जनाएको छ । इ कमर्श सेवालाई बन्द गरेर सरकार नागरिकप्रति गैर जिम्मेवार बनेको पनि नेविसंघको आरोप छ ।

संघका महामन्त्री बलदेव तिमल्सिनाले कोरोना महामारीमा प्रविधिलाई प्रयोग गरेर घरबाटै काम हुने व्यवस्था मिलाई काठमाडौँ उपत्यका तथा सम्भब हुने अन्य स्थानमा सुरक्षित तवरबाट ई कमर्सले घर घरमा अत्यावश्यक सामान पुर्याउने प्रवन्ध गरिरहेकामा बन्द गर्नु आपत्तिजनक भएको तिमल्सिनाको भनाई छ ।

‘इ कमर्शलाई बन्द गरेर सरकार दायित्व विमूख र गैह्रजिम्मेवार बन्दै छ। महामारीमा प्रविधिलाई प्रयोग गरेर घरबाटै काम हुने व्यवस्था मिलाई काठमाडौँ उपत्यका तथा सम्भब हुने अन्य स्थानमा सुरक्षित तवरबाट ई कमर्सले घर घरमा अत्यावश्यक सामान पुर्याउने प्रवन्ध गर्नु पर्द’ उनले भनेका छन्, ‘आजको आबश्यकता सामान सुरक्षित र सुपथ मूल्यमा उपलब्घ हुने सेवा सुचारू गराउँने हो, अनाबश्यक धरपक्कड र सेवा बन्द गरेर सरकारले लाचारिपन प्रदर्शन गरिरहेको छ, जुन अत्यन्त लज्जस्पद र खेदजनक छ। जय नेपाल ।’