१६ वर्षे इतिहासमा शिखर इन्स्योरेन्सको हकप्रदबाटै चुक्ता पूँजी १ अर्ब ३७ करोड मात्र !

१४ भदौ, काठमाडौं । विगत १६ वर्षदेखि निर्जीवन बीमाको क्षेत्रमा काम गरेको शिखर इन्स्योरेन्स कम्पनीको चुक्ता पूँजी १ अर्व ३७ करोड ४५ लाख मात्र पुगेकाे छ ।

न्यून जोखिम दावीका अलावा वि.सं. २०६१ सालबाट बीमा बजारमा काम थालेकाे यत्ति लामाे समयसम्म पनि कम्पनीको चुक्ता पूँजी डेढ अर्व पनि पुग्न नसक्नुमा भने व्यवसायिक दक्षता र नेतृत्वको दूरदर्शिता नभएको देखिन्छ ।

बीमा बजारमा पूँजी वृद्धिको बहस चलिरहँदा लामोदेखि संचालनमा रहेका ठुला र राम्रा भनिएका कम्पनीले नै पूँजी बढाउन हकप्रदको सहारा लिन पुग्नुलाई सहज मान्न भने सकिन्न ।

बीमा कम्पनी मध्ये अब्बल कहरिएको शिखर इन्स्योरेन्सको  ३१ लाख ७१ ह्जार ९३२ कित्ता हकप्रद सेयर सूचीकृत भएको छ । कम्पनीले असार १४ गतेबाट साउन १४ गतेसम्म ३० प्रतिशत हकप्रद शेयर बिक्री खुला गरेको थियो । सोही हकप्रद अहिले सूचीकरण गरिएको हो ।