निषेधाज्ञा खोल्न सडकमा भिख मागेर दबाब दिदै कांग्रेस बीपी

१४ भदौ, काठमाडौं । कोरोना महामारी नियन्त्रण गर्न भन्दै निषेधाज्ञा जारी गर्ने तर जनतालाई राहत नदिने सरकारविरुद्ध नेपाली कांग्रेस बीपीले दबाब कार्यक्रम गर्ने भएको छ । सोमबार बिहान ९ बजे प्रधानमन्त्री कार्यालय अगाडी बालुवाटार चौकमा नेपाली कांग्रेस बिपीले सडकमा भिख मागेर व्यंग्यात्मक शैलीमा दबाब दिने भएको हो ।

भदौ १७ पछि उपत्यकामा निषेधाज्ञा नगर्नका लागि दबाब दिन कार्यक्रम गर्न लागिएको नेपाली कांग्रेस बीपीका महामन्त्री शुशिलमान सेरचनले जानकारी दिए । उनका अनुसार निषेधाज्ञाले गर्दा नागरिकको बिचल्ली भएको तर सरकारले कुनै राहत नदिएर लकडाउन तथा निषेधाज्ञा मात्रै गर्न लागेपछि यसविरुद्ध आन्दोलन शुरु गरिएको महामन्त्री शेरचनको भनाई छ ।