कोरोनाबाट जोगिन मन्त्रीलाई प्रधानमन्त्रीको निर्देशन

१५ भदौ, काठमाडौं । कोरोना महामारीको जोखिम बढेपछि प्रधानमन्त्री केपी शर्मा ओलीले मन्त्रीहरुलाई महामारीबाट जोगिएर काम गर्न निर्देशन दिएका छन् । आइतबार बसेको मन्त्रिपरिषद बैठकमा प्रधानमन्त्री ओलीले मन्त्रीहरुलाई कोरोनाबाट जोगिएर आफ्ना नियमित काम गर्न निर्देशन दिएका हुन् ।

गृहमन्त्री रामबहादुर थापा बादल र रक्षामन्त्री ईश्वर पोखरेल कोरोना आशंकाका कारण आइसोलेसनमा बसेपछि नेकपाको सचिवालय बैठक स्थगित गरिएको थियो । उनीहरु आइतबारको मन्त्रिपरिषद बैठकमा पनि सहभागि हुन सकेनन् ।

मन्त्री नै संक्रमित भएमा कामकारबाही प्रभावित हुने भन्दै प्रधानमन्त्री ओलीले सतर्क भएर, सामाजिक दुरी कायम गरेर, कामलाई निरन्तरता दिन निर्देशन दिएका हुन् । भारतमा मन्त्रीहरु नै संक्रमित भएको बेला नेपालमा पनि जोखिम बढेको भन्दै प्रधानमन्त्रीले मन्त्रीहरुलाई सचेत गराएका हुन् ।