नेपाल राष्ट्र बैंकको तीन वटा ऋणपत्र नेप्सेमा सुचीकृत

१५ भदौ, काठमाडौं । नेपाल स्टक एक्सचेन्ज (नेप्से)मा नेपाल राष्ट्र बैंकले निष्काशन गरेको ऋणपत्र सुचीकृत भएको छ । बैंकले ६.९७ प्रतिशतको विकास ऋणपत्र २०८१ (घ) नामक ऋणपत्र २०७६ चैत २८ गते निष्काशन गरेको छ । यस ऋणपत्रको सावाँ भुक्तानी मिति २०८१ चैत २८ गते हुने छ ।

त्यस्तै ६.८९ प्रतिशत विकास ऋणपत्र २०८० (घ) पनि सुचीकरण भएको छ । विकास ऋणपत्र धितोपत्र सुचीकरण विनियमावली २०७५ को विनियम ८ अनुसार २०७७ असार १ गते भएको निर्णय अनुसार सुचीकरण गरिएको हो । २०७७ वैशखख ८ गते निष्काशन भएको उक्त ऋणपत्रको अवधि २०८० बैशाख ८ गते सकिने छ ।

त्यसैगरी ६.४९ प्रतिशत विकास ऋणपत्र २०८२ (घ) पनि सुचीकरण भएको छ । सो ऋणपत्र पनि गत २०७७ वैशाख २२ गते निष्काशन भएको थियो भने २०६२ वैशाख २२ गते सावाँ व्याज भुक्तानी हुने छ ।