आइतबारको शेयर कारोबार पटक–पटकको बिक्री रद्द, एकपटकको बिक्री सदर

१६ भदौ, काठमाडौं । गत भदौ १४ गते नेपाल स्टक एक्सचेन्जको टिएसमएस प्रणलीमा आएको समस्याका कारण एउटै शेयर धेरै पटक बिक्री भएका लगानीकर्ताहरु क्लोजआउटमा नपर्ने भएका छन् । नेप्सेले आइतबारको कारोबार हेरेर एउटै स्टक धेरै पटक बिक्री भएकोलाई रद्द गर्ने निर्णय भएको जानकारी दिएको छ । तर एक पटक मात्र कारोबार भएका शेयर भने सदर हुने बताइएको छ ।

भदौ १४ मा लगानीकर्ताले एकपटक बिक्री अर्डर राख्दा एउटै अर्डर धेरै पटक लिष्टमा देखिएको र कारोबार भएको थियो । जसले गर्दा लगानीकर्ताको खातामा नभएको शेयर समेत बिक्री भएको थियो ।