झलनाथ खनाल प्रतिष्ठानलाई ७२ करोड !

१६ भदौ, काठमाडौं । पूर्व प्रधानमन्त्री तथा नेकपाका वरिष्ठ नेता झलनाथ खनालका नाममा खुलेको ‘झलनाथ खनाल स्वास्थ्य विज्ञान प्रतिष्ठान’लाई सरकारले ७२ करोड रुपैयाँ दिएको छ ।

सर्लाहीको लालबन्दीमा साढे ८ विघा जमिनमा विषालु सर्प पाल्नका लागि प्रतिष्ठानलाई ७२ करोड रुपैयाँ दिइएको हो । सर्पको विष उत्पादन गर्नका लागि प्रतिष्ठानलाई रकम दिइएको हो ।

सर्प पालन एवं एन्टी स्नेक भेनम उत्पादन परियोजनाका लागि प्रतिष्ठानले ७२ करोड रुपैयाँको परियोजनामा हस्ताक्षर गरेको हो । संघीय सरकार, प्रदेश २ सरकार र लालबन्दी नगरपालिकासँग परियोजना सञ्चालनका लागि सम्झौता भएको प्रतिष्ठानका अध्यक्ष रेवती पन्तले बताए ।

पन्तका अनुसार झलनाथ खनाल स्वास्थ्य विज्ञान प्रतिष्ठानले सर्प पालन र एन्टी भेनम उत्पादन परियोजनाका लागि लालबन्दी नगरपालिका, प्रदेश २ सरकार र संघीय सरकारसँग ७२ करोड रुपैयाँको सम्झौता गरेको छ ।

सर्लाहीको लालबन्दी नगरपालिका–१ मा संस्थाले साढे ८ विघा जग्गा खरीद गरेर त्यहाँ विषालु सर्प पाल्ने तयारी अगाडि बढाएको पन्तले बताए ।