बालुवाटारमा ओली–प्रचण्ड वार्ता

१७ भदौ, काठमाडौं । सत्तारुढ नेकपाका अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीच बालुवाटारमा वार्ता चलिरहेको छ । भोलि बस्ने सचिवालय बैठकको एजेन्डा तय गर्न दुई अध्यक्षबीच वार्ता शुरु भएको हो ।

दिउँसोदेखि बालुवाटारमा चलिरहेको वार्तामा बैठकका एजेन्डा, समस्या समाधानका लागि गठित कार्यदलको सुझाव ग्रहण एवं कार्यान्वयन, बामदेवलाई राष्ट्रियसभामा लैजाने वा नलैजाने भन्ने विषयमा छलफल भइरहेको छ ।

यसअघि गएको हप्ता बस्ने भनिएको सचिवालय बैठक तयारी नपुगेको र सचिवालय सदस्य गृहमन्त्री रामबहादुर थापा बादल र रक्षामन्त्री ईश्वर पोखरेललाई कोरोनाको शंका लागेर होम आइसोलेसनमा बसेपछि स्थगित भएको थियो ।