नरेशको ‘म सास बन्न पाए’मा पुष्प र एलिजाको केमेस्ट्री

१७ भदौ, काठमाडौं । गायक नरेश रेग्मीको ‘म सास बन्न पाए’ बोलको गीत सार्वजनिक भएको छ। हाल अस्ट्रेलिया बस्दै आएका गायक रेग्मीले नेपाल रहँदा थुप्रै म्युजिक भिडियोमा अभिनयसमेत गरेका छन।

रोमान्टिक शैलीको गीतमा शब्द-संगीत बसन्त सापकोटाको छ। शिव बिकले निर्देशन गरेको भिडियोमा अर्जुन तिवारीको छायांकन, मिलन विश्वकर्माको सम्पादन छ। गीतलाई एनआर क्रिएसनले बजारमा ल्याएको हो।

मोडल तथा नायक पुष्प खड्का र एलिजा गौतमले भिडियोमा अभिनय गरेका छन् जसमा उनीहरुको केमेस्ट्री देख्न सकिन्छ।