कांग्रेस भएकै कारण डा.सुनिल शर्मालाई फसाउन खोजे बिद्रोह हुनसक्ने

♦ एसके बाँस्कोटा

नेपाल भनेको एकथरीले काठमाडौं मात्र सोच्छ्न । त्यसमा पनि संभ्रान्त कहलिएका उच्च घरानीया वर्गले एकटकले जटिल र चुनौतीपूर्ण बन्दै गईरहेको मेडिकल कलेज व्यवसाय अनि व्यवस्थापनमा डा. सुनिल शर्मा परिवारको हात्ती झैं लम्कदो कदमलाई आश्चर्यजनक ढंगले हेरिरहेका छन् ।

राजधानीमा धन भएको तर मन नभएको सामन्त वर्ग आज डा. सुनिल शर्माका मानविय सेवाप्रतिको योगदानलाई सन्देहमा राख्दैछ । राजनीतिक पुर्वाग्रह राखेर डा. सुनिल प्रति बुझ्क्कडको बोलाई हेराई सामान्य होइन । रातारात धनी भएका नेता कार्यकर्ताहरुमा आत्मबिश्वास र भिजन नभएकाहरुले डा. सुनिलको ह्वाईट मनि र लोनबाट काठमाडौं मेडिकल कलेजको अनुरोधमा मोडिएको यात्रालाई निकै ग्लानी, अफसोच, असन्तुष्टिले हेर्दैछ्न् ।

यद्यपि मेडिकल कलेजका शेयरधनीलाई उपयुक्त मूल्य पाउँदाको मुस्कान, तृप्ति, विजयभाव आदि–इत्यादि सबै विशेषणले भरिपूर्ण एउटा अजिबको हेराई डा. सुनिलको अध्यक्ष पदमा सौहद्रतापुर्ण ताजपोशीमा देखिएको थियो । कान्तिपुर दैनिकका प्रधान सम्पादक सुधिर शर्माको प्रयोगशाला पढने हो भने भारत र चीनका राष्ट्रपतिदेखि प्रधानमन्त्रीसम्म पहुँच भएका डा. सुनिल रहस्यमयी पात्र नभएर प्रचण्ड र गिरिजाबाबूसहित नेपालको शान्ति प्रक्रियाको सुत्रधार, नायक अनि प्रमुख हिडेन हिरो नै देखिन्छन् ।

सामाजिक सेवामा नोबेल पुरुष्कार पाउने संभावना बोकेका डा. सुनिलले भारत सरकारद्वारा माहत्मा गान्धी अन्तर्राष्ट्रिय शान्ति पुरुष्कार समेत पाईसकेका छन् । आज मोरङ्ग मात्र होईन सिङ्गो प्रदेश १ र मधेश प्रदेशका गरिब र बिपन्न वर्ग अहिले डा. सुनिलको मनकारी स्वभावको कारण निशुल्क र न्युनतम शुल्कमा बिश्वस्तरीय सेवाको अरु मेडिकल कलेजसँग मुल्यांकन र तुलना गर्दै हिडेका छन् । लोकतान्त्रिक मूल्य मान्यतामा अडिग डा. सुनिलले राजधानीमा रहेका ७७ जिल्लावासीको स्वासस्थ्य सेवा गर्न खोजेको बेला केही व्यक्तिले रिस र आवेग व्यक्त गर्नु मानसिक दरिद्रता मात्र हुनेछ ।

साम्यवादी शैलीबाट काठमाडौं मेडिकल कलेज र नयाँ व्यवस्थापन विरुद्ध लागेर पद्धतिलाई असफल बनाउनु भनेको नेपालको राजधानीको मुटु अनि नम्बर १ स्वास्थ्य शिक्षण अस्पताल नै असफल भै बर्सेनी अर्बौं मुद्रा विदेशिनु मात्र हो । त्यसैले सबै सकारात्मक भै डा. सुनिल र काठमाडौं मेडिकल कलेज नयाँ व्यवस्थापन समुहलाई सहयोग गरौं । कुनै पनि मानिस राजनीतिक आस्थाले होइन, क्रियाकलापले कानुनी सजायको भागिदार हुन्छ । कोरोना संकटमा मान्छेलाई बचाउछु अनि जनताको स्वास्थ्य सेवाप्रति ऋण र रिस्क लिएर पनि समर्पित हुन्छु भन्दा सरकार पक्षहरूले मिडियामा नचाहिदो छाप्नु र बोल्नु गैर लोकतान्त्रिक चरित्र हो ।

डा. सुनिल विचारले नेपाली कांग्रेसका नेता हुन् अनि सिद्धान्ततः बीपी र गिरिजाप्रसाद कोइरालाका अनुयायी हुन् । उनी दुई तिहाईको साम्यवादी सत्ताका हिमायती र विरोधी दुबै होइनन् । उनी व्यवसायिक रुपमा पनि वामसत्ताको जनतालाई निशुल्क वा न्युनतम मूल्यमा स्वास्थ्य, शिक्षा दिनुपर्ने नीतिको बिरोधि पनि होईनन् । स्वास्थ्य मन्त्री भानुभक्त ढकालसँग डा. सुनिलको चुनावी लडाई हिजो भयो । तर त्यो जनताको सेवा गर्ने माध्यम मात्र हो । चुनावी हारजीत अनि सरकार र सत्ताले राजनीतिक विचारमा आधारित भएर कुनै पनि लगानीकर्ताको व्यवसाय अवरुद्ध गर्न खोज्दैन् । नत्र सर्वत्र बिद्रोह पनि हुनसक्छ ।

केही पटमूर्ख मान्छे प्रश्न गर्छन, आज अस्वाभाविक रूपमा कसरी हिजोको सर्वसाधारण मान्छे ठूलो लगानीकर्ता भयो ? नोवेल मेडिकल कलेजबाट हरेक बर्ष उत्कृष्ट करदाता पुरुष्कार पाउने डा. सुनिलले कुनै कालोधन चोर बाटोबाट नल्याएको आफै प्रष्ट हुन्छ । देशव्यापी रूपमा जग्गाको मूल्य बढनु अनि बुद्धि र आँट भएका मानिसलाई फाइदा हुनु र बैंकले पत्याउनु अपराध हो र ? हिजो लोकमान सिंह कार्कीदेखि चुडामणि शर्मा जस्ता दर्जनौंले तत्कालीन राज्य र सरकारको ईशारामा सबै निकायहरुले उनको विरुद्ध छानबिन गरि योजनाबद्ध तरिकाले षड्यन्त्र गर्दा पनि कही बतै कुनै गलत श्रोत र लगानी नभेटेपछि क्लिन चिट दिएसरह सबै चुप लागेका थिए ।

स्मरणरहोस्, डा. सुनिल नेपालका पुर्वराजा ज्ञानेन्द्र झैं यतिबिध्न सहनशील पनि होइनन् कि कानुन बमोजिम झापाबाट काठमाडौं आउने पास हप्तौं दिन लट्काएर अनि फेरि दिएर बदर गर्दा पनि सहेर बस्न सक्ने ? डाक्टर सुनिलको इतिहास र सहयोगी मित्रहरु पनि आईलाग्ने माथि जाईलाग्ने भएकाले अनावश्यक लान्छना नलगाईयोस् । नेपालको प्रचलित कानुन बमोजिम विभिन्न बैंकको सुनिश्चित कर्जा लगानीमा पनि नकारात्मक लेख्नेहरुले बुझ्नुपर्छ कि प्रतिपक्षी दलको केन्द्रिय नेता रहेका डा. सुनिललाई राजनीतिक पुर्वाग्रहमा फसाउन खोजेमा गम्भीर संकट उत्पन्न हुनेछ ।

सरकारी सत्ता र शक्तिको दुरुपयोग गर्न खोजिए अहिलेको लकडाउन अनि आर्थिक, सामाजिक कठिनाईमा डा. सुनिल मात्रै होईनन् हजारौं लगानीकर्ताहरु जनताको साथ लिएर भोलि सडकमा ओर्लिदा कुनैपनि शक्ति केन्द्रबाट संचालित अख्तियार र सम्पत्ति शुद्धिकरणले गलत निर्णय गर्न सक्दैन् । कसैलाई राजनीतिक राजमार्ग सफा गर्ने निहुँ सरकारको कुनै निकाय र कर्मचारी प्रयोग गरिए सबै षड्यन्त्रकारीहरु नै सति जानुपर्ने अवस्था नआउला भन्न सकिन्न ।

(लेखक गणतान्त्रिक खबरका सम्पादक हुन् ।)