वामदेवलाई राष्ट्रियसभामा पठाउने नेकपा सचिवालय बैठकको निर्णय

नेपालबहस संवाददाता

भदौ १८, २०७७ बिहिबार २३:४९:१३

१८ भदौ, काठमाडौं । सत्तारुढ नेकपाको सचिवालय बैठकले उपाध्यक्ष वामदेव गौतमलाई राष्ट्रियसभामा पठाउने निर्णय गरेको छ । बालुवाटारमा बसेको सचिवालय बैठकले गौतमलाई राष्ट्रियसभामा यसअघि नै पठाउने निर्णय अनुमोदन गरेको हो ।

नेकपा सचिवालयको बैठकले राष्ट्रपतिले मनोनित गर्ने खाली एक सिटमा गौतमलाई मनोनयन गर्न सिफारिस गर्ने निर्णय गरेको छ । मन्त्रिपरिषद बैठकले वामदेवको नाम सिफारिस गरेपछि राष्ट्रपतिले राष्ट्रियसभा सदस्य नियुक्त गर्ने सवैंधानिक व्यवस्था छ ।

अब बामदेव राष्ट्रियसभामा जाने भएपछि युवराज खतिवडा मन्त्री पद छाडेर घर जाने भएका छन् ।

नेपालबहस संवाददाता

नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

लेखकबाट थप