राहत लिएर बागलुङ पुगे गृहमन्त्री बादल

१९ भदौ, काठमाडौं । बागलुङमा बाढी प्रभावित क्षेत्रको स्थलगत निरीक्षण गर्न गृहमन्त्री रामबहादुर थापा बादल राहत लिएर पुगेका छन् । ढोरपाटन नगरपालिका वडा नं. ७, ८ र ९ मा गएको बाढीमा ज्यान गुमाएका ८ जनाको परिवार र प्रभावितलाई गृहमन्त्री बादलले राहत वितरण गरेका हुन् ।

मौसमका कारण हिजो बाढी प्रभावित क्षेत्रमा पुग्न नसकी फर्किएको टोली आज बिहान बागलुङ पुगेको हो । टोलीमा गृहमन्त्री थापासहित सांसद देवेन्द्र पौडेल, राष्ट्रिय विपद जोखिम न्यूनीकरण प्राधिकरणमा प्रमुख कार्यकारी अधिकृत अनिल पोखरेललगायत छन् ।

बाढी प्रभावित क्षेत्रमा पुगेर उनीहरु पोखरा फर्किसकेका छन् । यसअघि बादल अछाम र सिन्धुपाल्चोक पुगेका थिए । तर राहत कम हेलिकोप्टर खर्च बढी गरेर चुनावी नाराका लागि राहत बाँडेको भन्दै उनको आलोचना समेत भइरहेको छ ।

बाढीले ठुलाे धनजनको क्षति पुगेको बाग्लुङ, ढाेरपाटन क्षेत्रमा पुगेर गृहमन्त्री रामबहादुर थापा 'बादल'ले आज राहत सामाग्री प्रदान गर्नुकासाथै बाढीग्रस्त क्षेत्रको अवलोकनको क्रममा ।। pic.twitter.com/LxSUOr9dGu

— kiran bhattarai (@journalistkiran) September 4, 2020