खुल्यो हिमाल आरोहण, ६ जनाको टोली चढ्दैछ बरुञ्चे हिमाल

१९ भदौ, काठमाडौं । सरकारले शरद ऋतुका लागि पर्यटकीय गतिविधि खुला गरेको छ । कोरोना महामारीमा लकडाउन सकिएपछि निषेधाज्ञा जारी रहेकै बेला पहिलोपटक हिमाल आरोहण अनुमति जारी भएको हो ।

पर्यटन विभागले ६ जनाको नेपाली टोलीलाई बरून्चे हिमाल आरोहणको अनुमति जारी गरेको छ । यो हिमालको उचाई ७ हजा १२९ मीटर छ । यो कोरोनायताकै पहिलो औपचारिक आरोहण अनुमति हो । टोलीलाई पर्यटन विभागका महानिर्देशक रुद्रसिंह तामाङले शुक्रबार आरोहण अनुमति प्रदान गरेका छन् ।

यसअघि सरकारले बहराइनका राजकुमारसहितको टोलीलाई हिमाल आरोहण गर्न नेपाल आउने अनुमति दिएको थियो । पर्यटन विभागका अनुसार अब हिमाल आरोहण गर्न जान चाहने नेपाली वा विदेशी नागरिकले स्वास्थ्य मन्त्रालयको मापदण्ड पालना गरी आरोहणमा जान सक्नेछन् ।