कोरोनाले विराटनगरमा ७० बर्षीय वृद्धको मृत्यु

२१ भदौ, विराटनगर । कोरोना संक्रमणबाट विराटनगरमा थप एक वृद्धको मृत्यु भएको छ । विराटनगर महानगरपालिका– २ का ७० बर्षीय वृद्धको कोरोना भाइरसको संक्रमणबाट मृत्यु भएको हो । ज्वरो, खोकी र श्वासप्रश्वासमा समस्या देखिएपछि उनलाई अस्पताल भर्ना गरिएको थियो ।

कोशी अस्पताल पुर्‍याउँदा नै वृद्धको मृत्यु भइसकेको थियो । मृत्युपछि स्वाव परीक्षण गर्दा कोरोना पुष्टि भएको हो । यससँगै विराटनगरमा कोरोना संक्रमणका कारण ज्यान गुमाउनेको संख्या १४ पुगेको छ ।