२२ भदौ, काठमाडौं । ललितपुरको पुल्चोक रथयात्रामा ट्राफिक प्रहरी कुट्ने एक जनालाई कोरोना संक्रमण पुष्टि भएको छ । प्रहरी कुटेको आरोपमा पक्राउ परेका १७ जनामध्ये एक जनालाई कोरोना संक्रमण पुष्टि भएको प्रहरीले जनाएको छ ।

महानगरीय प्रहरी परिसर, ललितपुरले म्याद थप गर्नुअघि पीसीआर परीक्षण गर्दा १ जनामा संक्रमण पुष्टि भएको हो । पक्राउ पर्ने गरेका व्यक्तिलाई पीसीआर परीक्षण गर्नुअघि क्वारेन्टाइनमा राख्ने गरिएको छ ।

पुल्चोकमा बिहीबार रातो मत्स्येन्द्रनाथको रथ तान्ने क्रममा स्थानीय र प्रहरीबीच झडप भएको थियो । त्यसक्रममा ट्राफिक प्रहरी जवान कमल घिमिरे निर्घात कुटिएका थिए । झडपमा यसअघि १८ जना प्रहरीलाई कोरोना भाइरसको संक्रमण पुष्टि भइसकेको छ ।

यो पनि पढ्नुहोस :

पुल्चोकमा ट्राफिक प्रहरीमाथि कुटपिट (भिडियोसहित)