राष्ट्रपतिले शर्मालाई हटाएको पुष्टि, नयाँ सल्लाहकारमा ढकाल नियुक्त !

२२ भदौ, काठमाडौं । प्रेस काउन्सिल प्रकरणमा राष्ट्रपति विद्यादेवी भण्डारीले आफ्ना सञ्चारविज्ञ सल्लाहकार माधव शर्मालाई हटाएको पुष्टि भएको छ । नयाँ सञ्चारविज्ञमा शीतलनिवासले टीका ढकाललाई नियुक्त गरेपछि शर्मालाई झण्डै एक महिनाअघि प्रेस काउन्सिल प्रकरणकै क्रममा हटाएको पुष्टि भएको हो ।

सरकारले प्रेस काउन्सिलका अध्यक्ष किशोर श्रेष्ठलाई हटाएको थियो । प्रेस काउन्सिल प्रकरणमा तत्कालिन प्रेस सल्लाहकार शर्माले सुझाव दिन खोज्दा सरकारको आलोचना गरेको भन्दै राष्ट्रपतिले उनलाई हटाएकी थिइन् । सो समाचार पहिलो पटक नेपालबहस डटकमले प्रकाशित गरेको थियो ।

जसको पुष्टि झण्डै तीन हप्तापछि शीतलनिवासले गरेको छ । त्रिविबाट अंग्रेजी विषयमा स्नातकोत्तर गर्नुका साथै अमेरिकाबाट उच्च शिक्षा हासिल गरेका पाँचथरका टीका ढकाललाई सञ्चारविज्ञ एवं राष्ट्रपतिको सल्लाहमा नियुक्त गरिएको हो ।

ढकाललाई शर्माकै जसरी सूचना र सञ्चारसहितकाे जिम्मेवारी दिइएको छ र उनले नेपाल सरकारको राज्यमन्त्री सरहको सुविधा पाउनेछन् । यसैबीच राष्ट्रपति कार्यालयले पूर्व सल्लाहकार शर्मासँगै अर्का विज्ञ सल्लाहकार सुशील प्याकुरेल, सुरक्षा मामिला विज्ञ नेत्रबहादुर थापालाई पनि हटाएको छ । थापा नेपाली सेनाका पूर्व रथीका साथै राप्रपा अध्न्यक्ष कमल थापाका सहाेदर दाजु पनि हुन् । दुवैले राजीनामा दिएको दाबी गरिएको छ । राष्ट्रपतिकाे सचिवालयमा कार्यरत दीपा शर्मा पनि हटाइएकी छिन् ।

यो पनि पढ्नुहोस :

काउन्सिल काण्डमा राष्ट्रपतिका प्रेस सल्लाहकार माधव शर्मा बर्खास्त !