काठमाडौं उपत्यकामा ३२६ जनालाई संक्रमण !

२२ भदौ, काठमाडौं । काठमाडौं उपत्यकामा थप ३२६ जना कोरोना संक्रमित थपिएका छन् । स्वास्थ्य मन्त्रालयको नियमित प्रेस ब्रिफिङमा सोमवार स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले दिएको जानकारी अनुसार काठमाडौंमा २९३ जना, ललितपुरमा २० र भक्तपुरमा १३ जनामा कोरोना संक्रमण पुष्टि भएको हो  । यससँगै काठमाडौं उपत्यकामा ८ हजार ६६३ जनामा संक्रमण पुष्टि भएको हो ।