घर र गाडी कर्जाको ब्याजदर नबढाउन राष्ट्र बैंकको निर्देशन

२३ भदौं, काठमाडौं । बैंकबाट घर र गाडी किन्न लिएको ऋणमा अब बैंक तथा वित्तीय संस्थाहरूले एकतर्फी ब्याजदर बढाउन नपाउने भएका छन् । नेपाल राष्ट्र बैंकले बैंक तथा वित्तीय संस्थाका लागि एकीकृत निर्देशन जारी गर्दै घर र गाडी खरिदका लागि दिएको कर्जामा ब्याजदर घटबढ गर्न नपाउने बताएको हो ।

बैंकहरुले आधारदर अर्थात बेस रेट घटबढ हुनेवित्तिकै ऋणको व्याजदर पनि घटाउने बढाउने गर्थे । जोखिमको केही प्रतिशतसमेत जोडेर बेस रेट निर्धारण गरिन्छ । बेस रेट बढेसँगै बैंकहरुले तत्कालै ब्याजदर बढाइहाल्थे ।

ब्याजदर चाडो चाडो बढ्दा किस्ता तिर्नै समस्या परेको भन्दै ऋणीले दुखेको गर्ने गरेका थिए । राष्ट्र बैंकको यो निर्देशनसँगै अब घर तथा गाडी कर्जा लिनेलाई केही राहत भएको छ ।