निरंकुश बन्दै नेकपा, नेताहरुविरुद्ध सामाजिक सञ्जालमा लेख्न प्रतिबन्ध !

२५ भदौ, काठमाडौं । कार्यकर्ता कै कारण नेताहरुको बदनाम भएको भन्दै सत्तारुढ नेकपाले सामाजिक सञ्जालमा लेख्न कार्यकर्तालाई प्रतिबन्ध लगाउने भएको छ । प्रधानमन्त्री केपी शर्मा ओली र अर्का अध्यक्ष पुष्पकमल दाहाल ‘प्रचण्ड’ले अब नेताहरुविरुद्ध सामाजिक सञ्जालमा लेख्न नपाइने नियम लाद्न लागेका हुन् ।

भोलि शुक्रबार बस्ने नेकपा स्थायी कमिटी बैठकमा अब नेताहरुविरुद्ध कार्यकर्तालाई मनलाग्दी लेख्न नपाईने प्रस्ताव पेश गर्न लागिएको छ । स्थायी कमिटी बैठकमा तय गरेका एजेन्डा अन्तर्गत सामाजिक सञ्जाललाई कडाई गर्ने प्रस्ताव पनि छ ।

जसलाई भोलिको स्थायी कमिटी बैठकले अनुमोदन गर्ने सम्भावना छ । नेकपा अब आलोचनाबाट बच्न आफ्नै कार्यकर्तामाथि निंरकुशता लाद्न लागिपरेको देखिएको छ भने फेसबुक, ट्वीटरमा लेख्न कार्यकर्तामाथि प्रतिबन्ध लगाउने निष्कर्षमा पुगेको छ ।