पूर्वी नेपालमा ५ म्याग्निच्युडको भूकम्प

२६ भदौ, काठमाडौं । झापाको बाहुनडाँगीलाई केन्द्रबिन्दु बनाएर भूकम्प गएको छ । बाहुनडाँगीस्थित नेपाल भारत सीमालाई केन्द्रबिन्दु बनाएर ५ म्याग्नीच्युडको भुकम्प गएको हो ।

बिहान ९ बजेर ३० मिनेटमा गएको यो भूकम्प नयाँ भएको राष्ट्रिय भूकम्प मापन केन्द्रले जनाएको छ । भूकम्पको धक्का पूर्वका अधिकांश जिल्लामा महसुस गरिएको थियो ।

यसअघि आजै बिहान ताप्लेजुङलाई केन्द्र बनाएर ३ दशमलव ९ म्याग्नीच्युडको भूकम्प गएको थियो । पछिल्लो समय दैनिकजसो स साना भूकम्प गइरहेका छन् ।