विद्यार्थी र स्कुललाई निःशुल्क इन्टरनेट !

२६ भदौ, काठमाडौं । सरकारले विद्यार्थी र विद्यालयलाई निःशुलक इन्टरनेट दिने भएको छ । शिक्षा, विज्ञान तथा प्रविधि मन्त्रालयले असोजबाट निःशुल्क इन्टरनेट उपलब्ध गराउने भएको हो ।

१९ भदौमा पारित विद्यार्थी सिकाइ सहजीकरण निर्देशिकामा शिक्षा मन्त्रालयले निःशुल्क इन्टरनेट दिनुपर्ने उल्लेख छ । ‘नेपाल टेलिकम लगायत इन्टरनेट सेवा प्रदायक संस्थाबाट शैक्षिक प्रयोजनका लागि मात्र हुने गरी निःशुल्क वा सहुलियत शुल्कमा डाटा प्याकेज प्राप्त गरी विद्यालय र विद्यार्थीलाई निःशुल्क उपलब्ध गराउने’ निर्देशिकामा मन्त्रालयको भूमिकाबारे स्पष्ट लेखिएको छ ।

यो निर्देशिका १ असोजबाट अनिवार्य कार्यान्वयनका लागि शिक्षा मन्त्रालयले संघ, प्रदेश र स्थानीय तहका निकाय र सरोकारवालालाई निर्देशन दिइसकेको छ ।