पत्रकारलाई बहिष्कार गरेको नगरपालिकाका वडाध्यक्षले नै गरिदिए पत्रकारको बीमा
नेपालबहस संवाददाता
भदौ २६, २०७७ शुक्रबार २१:३७:३७
२६ भदौ, स्याङ्जा । नगरपालिकाको अनियमितता नियमित रुपमा बाहिर आउन थालेपछि नगरपालिकाका कार्यक्रममा पत्रकारलाई निमन्त्रणा गर्न साङ्केतिक रुपमा बहिष्कार गरेको गल्याङ नगरपालिकाका एकजना प्रतिनिधिले भने नगरपालिका भित्र सक्रिय सबै पत्रकार र मजदुरको कोरोना बीमा गरिदिएर उदाहरणीय बनेका छन् ।
सो नगरपालिकाको ३ नम्बर वडाबाट निर्वाचित अध्यक्ष महेश भट्टराईले नगरपालिकाभित्र सक्रिय रहेका २१ जना पत्रकार र १६ जना मजदुरको आफ्नै व्यक्तिगत खर्चबाट कोरोना बीमा गरेका हुन् ।
नगरपालिकाको अनियमितता बारे लगातार समाचार बाहिर आएसँगै सूचना माग्न पुगेका पत्रकारलाई पूर्ण सूचना समेत नदिएको नगरपालिकाले आफ्ना कर्तुत बाहिर आउन थालेपछि नगरपालिकाको पक्षमा लेख्ने पत्रकारलाई बाहेक अन्य पत्रकारलाई नगरपालिकाले गर्ने औपचारिक कार्यक्रममा समेत निमन्त्रणा गर्न छाडेको छ ।
तर नगरपालिकाको पक्षमा लेख्ने पत्रकारको निशुल्क बीमा मात्रै होइन पीसीआर परीक्षण समेत गरिसकेको नगरपालिकाले अन्य पत्रकारलाई बेवास्ता गर्दै आएको छ । आफ्नो पक्षमा लेख्ने पत्रकारहरुलाई नगर प्रमुखले कार्यलयमै बोलाएर विभिन्न सामाग्री वितरण गरेका घटना यस अघिनै सार्वजनिक भैसकेका छन् ।
जुनसुकै पार्टीबाट चुनाव जितेपनि जनप्रतिनिधि भएपछि सबैलाई समान व्यवहार गर्नुपर्ने भन्दै बीमा पोलिसी हस्तान्तरण कार्यक्रममा बोल्दै उद्योग बाणिज्य संघ गल्याङका महासचिव कृष्ण भट्टराईले यी जनप्रतिनिधिबाट अन्य जनप्रतिनिधिले पनि केही सिक्नुपर्नेमा जोड दिएका छन् ।
कोरोना भाइरसले नगरपालिका कर्मचारी, जनप्रतिनिधि र स्वास्थ्यकर्मीलाई पनि नछोडेको बताउँदै वडाध्यक्ष भट्टराईले फन्टलाइनमा रातदिन नभनी खटिएर काम गर्ने पत्रकार र दैनिक ज्यालादारीमा काम गर्ने भरियाको पीडातर्फ कसैको नजर पुग्न नसकेको हुँदा आफ्नो तर्फबाट सक्दो सहयोग गरेको बताए । देश एवं नगरको विकासका लागि पत्रकारको भूमिका महत्त्वपूर्ण हुने भन्दै आफुले काम गर्ने क्रममा कही कमीकमजोरी भए त्यसलाई बाहिर ल्याईदिन पनि उनले आग्रह गरे ।
पत्रकार र मजदुरका कोरोना बीमाको पोलिसी हस्तान्तरण गर्दै जनप्रतिनिधि भट्टराईले आफुले नेपाली काङ्ग्रेसको तर्फबाट टिकट पाएर विजयी भएपनि वडाभित्र कुनै राजनीति भेदभावका आधारमा काम नगर्ने प्रतिबद्धता व्यक्त गरे । उनले भने, “मैले जानेर अहिलेसम्म कहिँ गल्ती गरेको छैन् । त्यस्तो कही कमीकमजोरी भेटिएमा आफुलाई बताउन आग्रह गर्दछु ।” पत्रकारहरु समाजको ऎना भएको उल्लेख गर्दै वडाध्यष भट्टराईले समाचार लेखेकै आधारमा पत्रकारलाई दुश्मन देख्नेहरु जनप्रतिनिधि हुन नसक्ने बताए ।
मिडियामा आएका कुरालाई सच्याउदै अगाडि बढ्नुपर्नेमा उनको जोड थियो । हामीले काम गर्दै हिड्ने हो, काम गर्ने क्रममा कही कतै त्रुटि भएको भए त्यसलाई पत्रकारले उजागर गर्ने उहाँहरुको पेशागत धर्म नै भएको हुँदा मिडियामा आएका कुरामा अरुलाई दोष लगाउनुभन्दा आफै सुध्रिनेतर्फ लाग्नुपर्ने वडाध्यक्ष भट्टराईको तर्क थियो ।
सो कार्यक्रममा बोल्दै गल्याङ जेसीजका अध्यक्ष दर्बेन्द्रदेव खनालले अमर रहन सधैं नयाँ मात्रै गर्नुपर्दैन, भईरहेको कामलाई नयाँ ढंगबाट गर्न सकेपनि अमर हुन सकिने बताए । सबैलाई समान रुपले काम गरेको भन्दै उनले जनप्रतिनिधि भट्टराईको प्रशंसा गरे ।
कार्यक्रममा बोल्दै गल्याङ लायन्सका अध्यक्ष अर्जुन बस्यालले गल्याङले साझा नेतृत्व खोज्ने बेला आएको कुरा औल्याए । कार्यक्रम आलमदेवी मिडिया प्रालिका अध्यक्ष टीकाराम अधिकारीको सभापतित्वमा भएको थियो भने साधना न्यौपानेले कार्यक्रम संचालन गरेकी थिईन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपगण्डकीको रिट न्यायाधीश अब्दुल अजीजको इजलासमा
बैशाख २८, २०८१ शुक्रबार
तनहुँमा चलचित्र निर्माण कार्यशाला
बैशाख २७, २०८१ बिहिबार
‘मार्किङ पोल’ ढलेपछि मनास्लु पदमार्गमा पर्यटकलाई समस्या
बैशाख २७, २०८१ बिहिबार
सीमा नाकामा सशस्त्रका एसपीमाथि निगरानी, पर्साका एसपी हेडक्वार्टरमा तानिए
नेपालबहस संवाददाता
बैशाख २७, २०८१ बिहिबार
नारायणीमा ३० करोडको एमआरआई मेसिन ६ महिनामै विग्रियो
आबिद हुसेन
बैशाख २७, २०८१ बिहिबार
प्रचण्डको यूटर्नले जोगिएको रवि लामिछानेको पद
विनोद त्रिपाठी
बैशाख २७, २०८१ बिहिबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
बैशाख २९, २०८१ शनिबार
सहकारी प्रकरण: रवि विरुद्ध के छ काग्रेससँग प्रमाण ?
बैशाख २९, २०८१ शनिबार
के भयो जब शनिदेवले हनुमान जीलाई भेटे, किन मागे शनिले माफी ?
बैशाख २९, २०८१ शनिबार
संसदीय उपसमितिद्वारा मेलम्ची आयोजनाको अनुगमन
बैशाख ३०, २०८१ आइतबार
हुलाकी सडक कालोपत्र गरिँदै
बैशाख ३०, २०८१ आइतबार
काठमाडौंको बत्तीसपुतलीमा २४ वर्षीय युवकको हत्या, ४ जना पक्राउ
बैशाख ३०, २०८१ आइतबार
कोलकोता आइपिएलको प्लेअफमा
बैशाख ३०, २०८१ आइतबार
गायक रवि ओडले गरे प्रहरीमा आत्मसर्मपण
बैशाख ३०, २०८१ आइतबार
प्रजनन केन्द्रमा हुर्काइएका घडियाल राप्तीमा छाडियो
बैशाख ३०, २०८१ आइतबार