भक्तपुरमा एकै घरका तीन जनाको शव भेटियो

२६ भदौ, काठमाडौं । भक्तपुरमा एकै घरका तीन जनाको शव भेटिएको छ । मध्यपुरथिमी नगरपालिका– ९ निकोसेरामा एकै घरका बुवा, आमा र छोराको शव भेटिएको हो । अहिले प्रहरी घटनास्थल पुगेको र थप अनुसन्धान शुरु गरिएको भक्तपुरका एसपी तारादेवी थापाले जानकारी दिइन् ।

घटना शंकास्पद भएपछि महानगरीय अपराध महाशाखाका प्रमुख एसएसपी दीपक थापा पनि घटनास्थल पुगेर अनुसन्धानमा खटिएका छन् । शव भेटिपनि हत्या, आत्महत्या वा अरु कुनै कारण भने खुलिसकेको छैन् ।