सभामुख अग्नि सापकोटा बाह्रबिसेमा

२८ भदौ, काठमाडौं । सभामुख अग्नि सापकोटा सिन्धुपाल्चोक प्रभावित क्षेत्र बाह्रबिसे पुगेका छन् । बाह्रबिसे नगरपालिका ७ का पहिरो प्रभावितलाई भेट्न सभामुख सापकोटा गाडी चढेरै सिन्धुपाल्चोक हिडेका थिए ।

पहिरोले घुम्थाङको नागपुजे र भीरखर्कमा क्षति पुगेको छ । सभामुख सापकोटा पहिरोस्थल पुगेपछि हेलिकोप्टर मगाउने तयारी छ । बिहान पानी परेकाले हेलिकोप्टर जान नसक्ने भएपछि सभामुख गाडीमै चढेर सिन्धुपाल्चोक बाह्रबिसे पुगेका हुन् ।

अहिलेसम्म पहिरोबाट ३ जनाको शव निकालिएको छ । अरु २८ जना अझै बेपत्ता छन् ।

(सबै फोटो : सभामुखका प्रेस सल्लाहकार श्रीधर न्यौपानेको फेसबुकबाट )