थप १०३९ जनामा कोरोना संक्रमण पुष्टि

२८ भदौ, काठमाडौं । नेपालमा थप १ हजार ३९ जनामा कोरोना भाइरसको संक्रमण पुष्टि भएको छ। पछिल्लो चौबिस घण्टामा ८ हजारमा गरिएको परीक्षणमा थप १ हजार ३९ जनामा कोरोना संक्रमण पुष्टि भएको हो ।

यस्तै पछिल्लो चौबिस घण्टामा १ हजार १७३ जना कोरोना संक्रमित निको भएका छन् । यससँगै अब संक्रिय संक्रमितको संख्या १५ हजार १ सय १७ मात्रै छ । कोरोना जित्नेको संख्या ३८ हजार ६९७ पुगेको छ। यो प्रतिशत ७१ दशमलव ५ प्रतिशत हो ।