काठमाडौंमा ५९७ जनामा संक्रमण, ६ को मृत्यु

२८ भदौ, काठमाडौं । काठमाडौं उपत्यकामा एकैदिन ५९७ जनामा कोरोना संक्रमण पुष्टि भएको छ । पछिल्लो चौबिस घण्टामा गरिएको परीक्षणमा उपत्यकामा ५ सय ९७ जनामा कोरोना पुष्टि भएको हो । एकैदिन ६ जनाको मृत्यु भएको छ ।

संक्रमित हुनेमा काठमाडौंका ४८३, भक्तपुरका ८१ जना र ललितपुरका ३३ जना हुन् । यससँगै ललितपुर र भक्तपुरमा पनि संक्रिय संक्रमितको संख्या ५०० नाघेको छ । पछिल्लो समय यी दुई जिल्लामा दैनिक संक्रमित संख्या बढ्दो छ ।

यस्तै आइतबार मात्रै काठमाडौंमा ६ जनाको मृत्यु भएको छ । यसमध्ये शिक्षण अस्पतालमा मात्रै ४ जनाको मृत्यु भएको हो । मृत्यु हुनेमा काठमाडौंकी ६५ वर्षकी दुई महिला, ५९, ५८, ६४ र ७९ वर्षका चार पुरुषको मृत्यु भएको हो ।