नुवाकोट घ्याङ्फेदीको पहिरोले जनता भोकै ओडारमा

२९ भदौ, नुवाकोट । जिल्लाको दुप्चेस्वर गाँउपालिका वडा न १ स्थिति सीसीबुमा गत शुक्रबार बिहान गएको पहिरोका कारण १६० घर बिस्थापित भएका छन् । केही दिन अगाडि सोही वडाको नेगीमा गएको पहिरोको कारण २९ घरपरिवार अस्थायी बसोबास गर्दै आएको स्थानमा गाउँपालिकाले सामान्य सहयोग र नेपाली कांग्रेसका युवा नेता रमेशकुमार महतले खाद्यान्न राहत वितरण गरेका छन् ।

शुक्रबारको पहिलोबाट पीडितहरु १६० घरपरिवार ओडारमा बस्न बाध्य भएका छ्न् । पहिरोले मिल घट्ट आदि सबै बगाएकोले खाद्यान्न अभाव भएकोले बालबालिका भोकै छ्न् भने स्थिति असामान्य अवस्थामा रहेको गाँउपालिका की उपाध्यक्ष अन्जु आचार्यले जानकारी दिएकी छन् ।

स्थानीय तहबाट ७ वटा टेण्ट र २० थान त्रिपाल, जिल्ला रेडक्रसले १० थान त्रिपालबाहेक अरु कसैले सहायता नगरेको गुनासो स्थानीयको छ ।सरकारले आजसम्म कुनै उद्दार र राहत प्याकेज नदिएपछि स्थानीय जनता क्रुद्ध बनेका छ्न भने कांग्रेसका स्थानीय युवाहरुनै सहयोग जुटाउन लागिपरेका छ्न् ।

स्थानीय युवानेता सुशील खड्का, मधुकर पाण्डे, सागर तामाङ र दुप्चेस्वर काठमाडौं सम्पर्क समितिले सहयोग गर्ने तदारुकता देखाएका छन् ।