आज उपत्यकामा थप ५१२ जनामा कोरोना संक्रमण

२९ भदौ, काठमाडौं । काठमाडौं उपत्यकामा सोमबार थप ५१२ जनामा कोरोना भाइरसको संक्रमण पुष्टि भएको छ । आज गरिएको परीक्षणमा काठमाडौं उपत्यकामा थप ५१२ जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

स्वास्थ्य मन्त्रालयको तथ्यांक अनुसार काठमाडौंका ४४०, भक्तपुरका ४३ र ललितपुरका २९ जनामा कोरोना संक्रमण पुष्टि भएको हो । यस्तै उपत्यकाका ८ जनाको मृत्यु भएको छ ।

काठमाडौंका ६१ वर्षीया महिला, ६२, ७०, ७३, ७७, ८५ वर्षीय पुरुष, ललितपुरका ५५ वर्षीय पुरुष र भक्तपुरका ७३ वर्षीय पुरुषको मृत्यु भएको हो ।