महालक्ष्मी नगरपालिकाका मेयरलाई कोरोना पुष्टि

३० भदौ, काठमाडौं । ललितपुरको महालक्ष्मी नगरपालिकाका प्रमुख रामेश्वर श्रेष्ठलाई कोराना भाइरस सङ्क्रमण पुष्टि भएको छ । सोमबार कोरोना परीक्षण गराउँदा राति नै सङ्क्रमण पुष्टि भएको जानकारी पाएको श्रेष्ठले बताए ।

“म हाल किष्ट मेडिकल कलेज ग्वार्कोमा उपचारका लागि बसेको छु । मसँग निकट रहेर काम गर्ने सबै साथीहरुलाई एकपटक कोरोना परीक्षण गर्न आग्रह गर्दछु” उनले भनेका छन् । पछिल्लो समय काठमाडौं उपत्यकाका जनप्रतिनिधिमा पनि संक्रमण बढ्दै गएको छ ।