भारतबाट प्याज नआएपछि महंगियो

३० भदौ, काठमाडौं । भारतबाट आउन छाडेपछि नेपालमा प्याज महंगो बनेको छ । भन्सार विभागका महानिर्देशक सुमन दाहालका अनुसार भारतले प्याज निर्यातमा रोक लगाएपछि नेपालमा प्याजको भाउ बढेको हो ।

भारतबाट आउन छाडेपछि एक किलो प्याजको मूल्य ८० रुपैयाँ पुगेको छ । अब दैनिक प्याजको भाउ बढ्दै जाने देखिएको छ । भारतले निर्यात रोकेको बहानामा व्यापारीहरुले स्टकमा रहेको प्याजको कृत्रिम अभाव सिर्जना गर्दै महँगोमा बेचिरहेको उपभोक्ताको आरोप छ ।

अहिले नयाँ प्याज बजारमा नआएको र पूरानो प्याज सकिएका कारण प्याजको अभाव हुने गरेको छ । गएको बर्ष पनि यसबेला प्याजको भाउ महंगो थियो ।