असोज १ गतेदेखि टिकट बुकिङ खुल्दै

३० भदौ, काठमाडौं । मन्त्रिपरिषद बैठकले आन्तरिक उडान खोल्ने निर्णय गरेसँगै वायुसेवा कम्पनीले असोज १ गतेदेखि टिकट बुकिङ खुला गर्ने भएका छन् । असोज ५ गतेदेखि लामो दूरीका गाडी र आन्तरिक उडान खोल्ने निर्णय सरकारले गरिसकेको छ ।

यसपटक पक्कासँग आन्तरिक उडान र लामो दूरीका यातायात खुल्ने भएपछि वायुसेवा कम्पनीले टिकट बुकिङ खुला गर्ने तयारी गरेका हुन् । तर सरकारले भने उडान हुने गन्तव्यको सूची भने सार्वजनिक गरेको छैन् । सोही कारण अन्यौलता पनि सिर्जना भएको छ ।

उनका अनुसार पहिलो चरणमा सबै गन्तब्यमा उडान भने खुल्ने छैनन् । यसअघि १ भदौबाटै उडान खोल्ने निर्णय सरकारले गरेको थियो । सोअनुसार पनि प्राधिकरणले पहिलो चरणमा साविकमा हुँदै आएको उडानको ३३ प्रतिशत मात्र अनुमति दिने गरी वायुसेवा कम्पनीलाई उडानको अनुमति दिएको थियो ।

तर, कोरोना भाइरसको संक्रमण तीव्र रुपमा फैलिएर काठमाडौं उपत्यकासहितका शहरहरुमा निषेधाज्ञा लागु भएपछि आन्तरिक उडान खोल्ने निर्णय एक हप्ता पर पुगेको हो ।