पोखरामा संक्रमित ७० बर्षीय वृद्धको मृत्यु

३० भदौ, पोखरा । कोरोना भाइरसको संक्रमणबाट पोखरामा एक वृद्धको मृत्यु भएको छ । क्यान्सर रोगबाट पीडित पोखरा १० का ७० बर्षीय वृद्धको पोखराकै मनिपाल शिक्षण अस्पतालमा उपचारका क्रममा सोमबार राति मृत्यु भएको हो ।

प्रदेश स्वास्थ्य निर्देशनालय पोखराका अनुसार उपचारका लागि भर्दौ २५ मा उनी अस्पताल भर्ना भएका थिए । आइतबार कोरोना पुष्टि भएका उनको सोमबार राती नै मृत्यु भएको हो । यससँगै गण्डकीमा कोरोनाबाट मृत्यु हुनेको संख्या ३६ पुगेको हो ।