सप्तरीमा एकैदिन ५४ जनामा संक्रमण पुष्टि

३० भदौ, सप्तरी । सप्तरीमा ५४ जनामा कोरोना संक्रमण पुष्टि भएको छ । जिल्ला अदालत, जिल्ला प्रशासनका कर्मचारीसहित ५४ जनामा एकैदिन कोरोना संक्रमण पुष्टि भएको हो ।

राजविराजस्थित गजेन्द्रनारायण सिंह अस्पतालमा गरिएको परीक्षणका क्रममा एकैदिन ५४ जनामा कोरोना संक्रमण देखिएको जिल्ला स्वास्थ्य कार्यालय राजविराजले जनाएको छ । जिल्ला अदालतका ४ जना र जिल्ला प्रशासन कार्यालयका तीन जना कर्मचारीमा संक्रमण पुष्टि भएको स्वास्थ्य कार्यालयले जनाएको छ ।