धरानमा सप्तरीका संक्रमित पुरुषको मृत्यु

३१ भदौ, काठमाडौं । बुधबार बिहान सप्तरीका कोरोना भाइरस संक्रमित पुरुषको बीपी कोइराला स्वास्थ्य विज्ञान प्रतिष्ठान, धरानमा मृत्यु भएको छ । मृतक कोरोना संक्रमित सप्तरी खडक नगरपालिका–३ का ३५ वर्षीय पुरुष हुन् ।

२८ भदौमा कोरोना पोजेटिभ देखिएका पुरुषलाई ३० भदौमा प्रतिष्ठानमा भर्ना गरिएको थियो । उपचारका क्रममा आज विहान ६ बजे मृत्यु भएको हो । यसअघि मंगलबार दिउँसो धरान उपमहानगरपालिका १७ का ७३ वर्षीय पुरुषको मृत्यु भएको थियो ।

सप्तरीका युवकसँगै प्रदेश १ मा कोरोना संक्रमणका कारण ज्यान गुमाउनको संख्या ५१ पुगेको छ । ती मध्ये १४ जना प्रदेश २ र ३६ जना प्रदेश १ का छन् ।