डिजेल र मट्टितेलको मूल्य १ रुपैयाँ घट्यो

३१ भदौ, काठमाडौँ । नेपाल आयल निगमले डिजेल र मटितेलको मूल्य घटाएको छ । बुधबार राती १२ बजेदेखि लागु हुने गरी निगमले डिजेल र मट्टितेलको मूल्य प्रतिलिटर १ रुपैयाँ घटाएको हो । गएको हप्ता बढाइएको पेट्रोलको मूल्य भने यथावत छ ।

भारतीय इन्डियन आयल कर्पोरेशनले पठाएको मूल्यअनुसार डिजेल र मटितेलको मूल्य घटाइएको निगमका प्रवक्ता बिनितमणि उपाध्यायले जानकारी दिए ।

घटाइएको मूल्यअनुसार डिजेल र मटितेलको प्रतिलिटर मूल्य ९० ९० रुपैयाँ कायम हुनेछ । पेट्रोल, हवाई इन्धन र खाना पकाउने एलपी ग्यासको मूल्य भने यथावत राखिएको पनि निगमले जारी गरेको विज्ञप्तीमा उल्लेख छ ।