तीनकुनेबाट ४२ बोरा प्याज बरामद, तीन जना पक्राउ

१ असोज, काठमाडौं । तीनकुनेबाट काठमाडौं महानगरपालिकाले ४२ बो बोरा प्याज र ४० बोरा आलु बरामद गरेको छ । महानगरपालिकाको उपभोक्ता हित संरक्षण समितिले तीनकुने हरितगृह तरकारी बजारबाट लुकाएर राखिएको अवस्थामा साढे ४२ बोरा प्याज र ४० बोरा आलु बरामद गरेको हो ।

बिजेस गौतमको पसलबाट २९ बोरा र ज्योती नाप अलर्टबाट साढे १३ बोरा प्याज बरामद गरेर प्रहरीलाई बुझाइएको समितिले जनाएको छ । यस्तै सालिकराम दुलालको पसलबाट ४० बोरा आलु बरामद भएको छ ।

उनीहरुलाई उपभोक्ता हित संरक्षण ऐन अनुसार कारबाही हुनेछ । भारतले प्याज निर्यातमा रोक लगाएपछि व्यापारीले मूल्य बढाएर बिक्री गरिरहेका छन् । बजारमा प्याजको अभाव गराउने र महंगो मूल्यमा बेच्न लगाउने व्यापारीलाई सरकारले खोजी खोजी पक्राउ गर्दै कारवाही गरिरहेको छ ।